Срцето на Даниел на врвот на Олимп: Преслатки кадри со синот и силна порака
Даниел Кајмакоски повторно ги стопли срцата на своите следбеници – овој пат со фотографии од својот син, направени на магичната планина Олимп во Грција.
Познатиот пејач, кој ретко ја споделува својата приватност, објави неколку фотографии од наследникот, придружени со нежната нумера „I Adore You“, додавајќи уште повеќе емоција на моментите кои ги документирал во природата. Насмевка, безгрижност и искрена љубов – тоа зрачи од секоја слика на малиот принц, кој го истражува светот со љубопитност и ведрина.
Фотографиите се направени на митскиот Mount Olympus, место полно со енергија и инспирација, што само додава симболика на овие татковски моменти. Љубовта помеѓу татко и син се чувствува и низ кадрите, но и низ музиката што Кајмакоски ја избра како звучна подлога на објавата – како молчеливи зборови што велат: „Те обожавам“.
Фановите се воодушевени од објавата и ја преплавија со срца и коментари, поздравувајќи го Даниел за неговата посветеност и искрена татковска љубов. И навистина, не постои ништо повредно од тоа.
ФОТО: Инстаграм официјален профил Даниел Кајмакоски
