ЗОШТО Е ТОЛКУ ПРОКЛЕТО ТОПЛО: Се за злогласниот „Луцифер“-топол бран кој ќе дојде и во Македонија

Добивај вести на Viber

Во Европа температурите наголемо се искачуваат над 40 степени.

Европа е зафатена од жесток топлотен бран, при што температурите оваа недела ќе соборат нови рекорди - што се заканува да доведе до илјадници смртни случаи.

Топлината што ја погоди западна Европа во понеделникот и вторникот уследи по неколкудневните интензивни временски услови на југот на континентот, каде стотици веќе загинаа од екстремните горештини кои експертите велат дека се влошуваат поради климатските промени.

Британската метеоролошка служба го издаде своето прво црвено предупредување за екстремни горештини во Англија - што укажува на „опасност по животот“ - со температури поставени до 43 Целзиусови степени.

Во меѓувреме, во Франција температурите исто така надминуваат 40 степени Целзиусови, а на југозападот на земјата илјадници луѓе се евакуирани откако пожарите уништија повеќе од 10.000 хектари.