„Денес Ѓорги требаше да наполни 25 години“: Таткото на трагично починатиот тапанар од ДНК со емотивна порака на роденденот на синот

Добивај вести на Viber

На денот кога требаше да наполни 25 години, таткото на Ѓорѓи – тапанарот од бендот ДНК кој го загуби животот во трагичниот пожар во дискотеката „Пулс“ во Кочани – се огласи со емотивна порака на социјалните мрежи.

„Денес е тежок ден за нас, денес нашиот ангел ќе полнеше 25 години. Вечна ти слава ангелу наш и среќен ти роденден“, напиша Драги, таткото на Ѓорѓи.

Младиот музичар беше меѓу 63-те жртви кои го загубија животот во пожарот што избувна на 16 март 2025 година, за време на концерт на популарниот бенд ДНК.

Во негова чест, семејството на Ѓорѓи и граѓаните на Струмица изминатите месеци организираа неколку културни настани, посветени на сеќавањето на младиот музичар и неговиот придонес кон локалната музичка сцена.