Пет години молби, напори и надеж: Флора чека лек за ретка болест - надлежните не рагираат на нејзините повици
Во тешка здравствена состојба е 21 годишната Флора Гаши од Скопје, една од тројцата млади пациенти кои имаат ретка болест - прогредирачка форма на Цистична фиброза, со мутација и цели три години чекаат да го добијат неопходниот лек.
Оваа млада девојка веќе три години чека на лекот Калидеко(Ивакафлор) за кој светските искуства покажале дека е добар за лекување на посебен тип Цистична фиброза кај пациенти со мутација од 3-та класа(„gating“ мутации). Нејзината состојба станува критична и таа вели дека веќе секој месец е во болница по две до три недели, една недела е дома и повторно назад во болничката соба.
Таа во моментот е хоспитализирана на Клиниката за детски болести, тешко дише и искашлува крв. Флора е постојано приклучена на кислород, не може да се движи, може да оди одвај само десеттина чекори.
На Фејсбук страната „За нашите животи“ која е креирана за Флора Гаши, но и за сите оние на кои им е потрбна помош, Флора се огласи со статус, раскажувајќи ја нејзината состојба, низ што се минува, а особено изразувајќи незадоволство зато што никој досега и нема помогнато.
Ви го пренесуваме статусот во целост:
Таа вели дека е уморна да ја споделува секоја болка и посакува никој никогаш да не се најде на нејзино место. Нејзините молби, напори и надеж траат веќе цели пет години.
Флора тврди дека и покрај обидите нејзините молби да стигнат до министерот за здравство Венко Филипче, таа е блокирана на сите социјални медиуми преку кои се обидувала да дојде до него.
„Поддржете ме да ги срушам зидовите што ги направи тој за мене“ - пишува Флора.
„На Флора и требаме за некој да го чуе нејзиниот глас!
Никој, апсолутно никој не реагира на повиците и гласот на оваа девојка. Нашето ништо на некој му значи многу. Да го кренеме гласот заедно со оваа млада девојка и останатите на кои им е потребно лекување кое не може да го добијат поради глувоста на нашето здраство“ - стои во апелот од Фејсбук страната „За нашите животи“.
