„Сега ми е тешко да те сакам“: Јордана покажа како изгледа нејзиното тело по породувањето, па доби брутални коментари!
Познатата инфлуенсерка Јордана Ламб ја отвори душата пред своите следбеници и сподели емоционална објава за тоа како изгледа животот по породувањето и борбата со сопствениот изглед.
Со ова таа го допре чувствителното прашање со кое се соочуваат многу жени – срамот и несигурноста од промените на телото по раѓањето на дете.
„До моето тело по породувањето... Некои денови сакам да те прегрнам, а други да те сокријам. Секој ден се обидувам да те разберам. Ми недостига колку силно се чувствуваше, колку ми беше познато и колку убаво изгледав некогаш. Сега си меко, побавно и непознато, а тоа ми предизвикува бран чувства што не ги очекував... Да, некои денови е тешко да те сакам. Некои денови е тешко да се помирам со новите стрии, со моето ново тело. Но, те почитувам бескрајно. Се учам да бидам нежна со тебе и сè уште учам дека и тоа е еден вид љубов“, напиша Ламб во емотивната објава.
Со оваа порака таа ја истакна реалноста која најчесто се премолчува – дека постпородилниот период е исполнет со физички и емоционални промени. Жените честопати се чувствуваат непријатно да зборуваат за тие промени, се срамат од лузните, стриите, дополнителните килограми или „мекоста“ на мускулите. Но токму тие обележја се доказ за жртвата која ја поднесува телото за да донесе на свет нов живот.
Објавата на Јордана Ламб беше поздравена од многу жени кои во нејзините зборови препознаа свои лични искуства. Храброста да се сподели нешто толку интимно и искрено е потсетник дека мајчинството не е само радост и љубов, туку и борба со новата слика за себе.
Со својот потег, Ламб го отвори разговорот за прифаќање на телото по породувањето, испраќајќи порака до сите жени дека не треба да се срамат од промените – тие се симбол на сила, љубов и живот.
Извор: Фејсбук / М.С.К
