Што им е заедничко на Тоше Зафиров и Јелена Карлеуша?
Тоше Зафиров со духовита споредба со Јелена Карлеуша – иста лежалка, различна перспектива
Македонскиот фитнес инструктор и позната медиумска личност, Тоше Зафиров, повторно успеа да ја насмее својата публика со духовита објава на социјалните мрежи. Овој пат, тој направи забавна споредба помеѓу себе и српската музичка ѕвезда Јелена Карлеуша.
На својот профил, Зафиров сподели две фотографии: на првата е тој, фотографиран во луксузен хотел во Дубаи, а на втората е Карлеуша, која позира на истата лежалка, во истиот хотел, но со свој препознатлив гламурозен стил.
Под фотографиите стојат описи кои веднаш предизвикаа насмевки кај следбениците: „Јелена Карлеуша во најскапиот хотел во Персискиот залив“ и „Зафиров во најскапиот хотел во Дубаи“. Со овој хумористичен пристап, Зафиров не само што се пошегува на сопствена сметка, туку и фино „поткачи“ дел од медиумите кои често вакви објави ги претвораат во сензационални вести.
Реакциите на социјалните мрежи беа повеќе од позитивни – следбениците му упатуваа коментари со пофалби за неговата самоиронија и способноста да предизвика насмевка.
Иако на прв поглед станува збор за едноставна фотографија, оваа објава уште еднаш покажа дека со малку креативност и хумор, секојдневните моменти можат да станат вистински интернет хит.
РЖМ
