Вратоврски и фармерки: Како да носите комбинација што создава неверојатен изглед
Дали забележавте? Новата кул мода ја преплави сцената на уличниот стил, донесувајќи невиден спој на елеганција и релаксација: вратоврска во комбинација со фармерки.
Звучи необично? Можеби. Но, кога ќе видиме како тоа изгледа – сфаќаме дека се случува модна магија. Класичниот business casual доби непредвидлива, но беспрекорно стилска трансформација, а вратоврските, некогаш симбол на сериозноста, сега се клучен детаљ што неочекувано го заокружува секој аутфит.
Еве неколку начини како оваа трендовска комбинација да ја направите своја.
Слоeвитсот што носи модни поени
Слојот е клучот за софистициран изглед – тоа го научивме многу одамна. Замислете: долго палто, предимензионирана кошула, пар фармерки со права ногавица и тенка вратоврска со пруги лежерно напикана низ појасот за совршена рамнотежа. Целиот изглед можеме да го подигнеме на следното ниво со додавање на тенок кашмирски шал за дополнителна доза на елеганција.
Неочекуван Black Tie
Вратоврска и лежерен стил? Апсолутно! Со предимензиониран сив кардиган, широки фармерки и тесна црна вратоврска, добиваме изглед кој изгледа ноншалантно, но во исто време остава впечаток на внимателна мода. За завршен допир, додаваме удобни мокасини и голема чанта за рамо. Овој стајлинг е идеален за опуштен бранч со пријателите или лежерен петок на работа.
Preppy училишен стил со моден пресврт
Ако сакаме доза на префистицираност, избираме класичен морнарски блејзер, бела кошула и вратоврска во црвена и сина комбинација – безвременска комбинација на бои која секогаш функционира. Во комбинација со фармерки со права нога и шпицести чевли, овој изглед изгледа како да е излезен директно од страниците на старомодно списание, но со модерен пресврт. Совршен избор и за работа и за вечерно излегување.
Пруги на пруги (зошто да не?)
Мешањето принтови е за храбрите - но модата е за поместување на границите! Комбинираме блејзер со вертикални пруги, вратоврска со дијагонални линии во живи бои и омилен пар фармерки. Клучот е да се балансира палетата на бои за да се избегне визуелен хаос.
Сакате уште повеќе став? Обидете се да ја носите вашата вратоврска лежерно, како марама, па дури и да ја ставите во панталоните како шик појас.
Кога сè изгледа „погрешно“... но функционира
И сега – вистински моден експеримент! Вратовка со забавен принт, широки фармерки, шешир и - зошто да не? – пар груби Timberland чизми. Да, овој изглед е храбар. Да, тој е наменет за оние кои сакаат да се истакнуваат. Но, модата е токму тоа – експериментирање, изразување, играње со нешто ново.
Без разлика дали ќе избереме суптилен или впечатлив стил, вратоврските во комбинација со фармерки се тренд што можеме да го прилагодиме на нашите модни сензибилности. Сè што ни преостанува е да го пробаме!
