Моден глас: Маја Андоновска го вози стилот како вистинска урбана дама!
Македонската актерка Маја Андоновска повторно плени со својот уникатен стил, овој пат во улога на урбана дама која знае како да ги спои практичноста и модата – и тоа на две тркала!
Фотографијата која неодамна ја сподели на социјалните мрежи покажува како Маја ужива во сончев ден додека вози велосипед низ Битола, но со стајлинг кој едноставно не може да помине незабележано. Облечена во минималистичка бела маица и впечатливи црвени шорцеви со висок струк, актерката зрачи со свежина и енергија.
Она што го прави изгледот посебно впечатлив се деталите – свилената марама со принт, врзана околу вратот, и големите ретро очила за сонце, кои ѝ даваат нота на old-school гламур со современ дух. Белите патики се совршено избрана завршница – удобни, но и во склад со останатиот стил.
Маја испраќа моќна порака – дека модата не е резервирана само за свечени прилики или сцена, туку е дел од секојдневниот живот. Со својот природен шарм и префинето чувство за стил, таа е инспирација за многу жени кои сакаат да изгледаат убаво и удобно во движење.
Модна порака? Женствено, урбано и со став – токму како што знае само Маја!
РЖМ/ИС
