„Бучавата на моторите замолкна за нејзиното „ДА“: Гордан ја освои Благица од „Ѕвездите на Гранд“ со уникатно запросување
Викендов љубовта доби своја моторџиска приказна која го освои вниманието на јавноста. Младата пејачка Благица Ѕунзуровска, позната по своите настапи во „Ѕвездите на Гранд“ и „Некои нови клинци“, доживеа момент за паметење кога нејзиниот сакан Гордан Трајков ја запроси на навистина уникатен начин.
Сцената беше како од филм: меѓу ревот на мотори и аплаузите на насобраните пријатели и колеги моторџии, Гордан пристигна на својот мотор на кој ја возеше Благица и клекна пред неа веднаш штом се симнаа од моторот. Околу нив – радост, адреналин и енергија на вистинска љубовна бајка. Таа со насолзени очи и голема возбуда го кажа судбоносното „да“, запечатувајќи го моментот пред сите присутни.
На фотографиите што бргу се споделуваа на социјалните мрежи, Благица гордо го покажа вереничкиот прстен – симбол на нивната љубов која ја градат со страст, поддршка и заеднички соништа. И моторџискиот свет стана сведок на едно прекрасно љубовно патување што допрва започнува.
Се вели дека љубовта е авантура – а Благица и Гордан токму тоа ни го покажаа: авантура полна со емоции, моторџиски звук и судбинско „да“!
И.С.
