Духовита досетка на Илина Арсова: Го „поткачи“ Тоше Зафиров, но и се пошегува на сопствена сметка
Планинарката Илина Арсова повторно успеа да ги насмее своите следбеници на Инстаграм со духовито стори, каде што се спореди со бодибилдерот Тоше Зафиров.
Во описот на објавата, Арсова напиша дека повеќе луѓе ѝ рекле оти има мускули како на маж, по што таа со доза на хумор прашала: „Добро, кажете ми кој маж има вакви мускули?“ – добивајќи одговор: „Па еве, Тоше Зафиров.“
Со оваа објава, Илина се пошегува на своја сметка, но истовремено и го потенцираше Зафиров како еден од најпознатите примери за мускулест изглед во земјава. Фотографијата што ја објави, на која се гледа нејзиното извајано тело, придружена со забавниот опис, брзо стана вирална меѓу нејзините следбеници.
Многумина во оваа нејзина споредба препознаа симпатична закачка, а не критика или навреда, што само го нагласува здравиот хумор и самодовербата на Арсова.
Нејзината транспарентност и искреност често се причина зошто публиката се поврзува со неа, било да станува збор за планинарски подвизи, уметничка работа или моменти од секојдневието.
