Гордост македонска: Математичкиот генијалец Македон Димитровски освои нови медали на меѓународен натпревар во Бугарија

Добивај вести на Viber

Македонскиот математички генијалец, кој често се нарекува "чудо од дете", Македон Димитровски, повторно го потврди својот талент и посветеност, освојувајќи нови медали на меѓународниот натпревар „Математика без граници“. Овој млад талент го направи и нашиот народ горд со своите достигнувања на глобалната сцена.

Турнирот се одржа во Несебар, Бугарија, каде учествуваа 42 земји со вкупно 875 учесници. Македон со својот настап ја прослави Македонија и го виореше македонското знаме на меѓународната сцена.

На натпреварот „Математика без граници“, Македон освои повеќе престижни награди:

*Математичка ѕвезда на турнирот

*Пехар III – Купот на „Математика без граници“

*Сребрен медал по алгебра

*Бронзен медал на основниот турнир

„Денес заврши интернационалниот турнир „Математика без граници“ и турнирот по алгебра Лобовико Ферари, каде учествуваа 42 земји со 875 учесници. Македон уште еднаш го прослави името на Македонија и го виореше македонското знаме во Бугарија. Браво Македон, горди сме на тебе!“ – напиша на Фејсбук таткото на малиот математички гениј, Владимир Димитровски.

Македон продолжува да биде инспирација за сите нас и потврда дека талентот, напорната работа и посветеноста можат да донесат големи успеси на меѓународно ниво.