Ја напушти Барселона и семејството и дојде на Балканот: Ја пронајде својата љубов, работа од соништата, но и МАКЕДОНСКАТА ПАСТРМАЈЛИЈА
Во време на епидемијата со коронавирусот, кога светот беше во изолација, една млада девојка од Шпанија одлучи да го следи своето срце и да ја побара среќата далеку од дома – во малиот српски град Смедеревска Паланка.
Таму, таа не само што пронајде нов живот, туку и љубовта на својот живот – Андреја, со кого неодамна се венча.
Откако пристигнала во Србија, вели дека ѝ се исполниле сите сништа. Отворила мал ресторан за брза храна, кој за кратко време станал еден од најпосетените во градот.
Интересно е што во нејзиното мени има само еден производ – српскиот специјалитет комплет лепиња. Иако на почетокот посетителите биле скептични дека некој што не е од Србија може да го подготви рецептот на автентичен начин, таа успеала да го освои нивното срце и вкус.
Денес, многумина доаѓаат специјално за нејзините лепињи, а „Шпањолката“, како што сите ја нарекуваат бидејќи никој не го знае нејзиното вистинско име, стана едно од најпрепознатливите лица во градот.
Освен Србија, таа патувала и низ останатите земји на Балканот, а посебен впечаток ѝ оставила Македонија. За нашата земја изјави дека пастрмајлиите се едно од највкусните нешта што ги пробала и дека токму по нив ќе ја памети Македонија.
Нејзината приказна е уште еден доказ дека љубовта, храброста и страста кон готвењето немаат граници – а понекогаш и една комплет лепиња може да биде почеток на целосно нов живот.
Извор: ИнстаграмРЖМ / МСК
