Наум откри дека тој и Зуица имаат многу непријатели: Сепак успеа да ги исчисти сите „зли јазици“ во два дена
Познатиот македонски пејач Наум Петрески викендов ги изненади своите следбеници на социјалните мрежи со необично искрен и остар статус.
Во објава на Фејсбук, тој откри дека тој и неговото семејство се соочуваат со голем број непријатели.
Да се чуди човек колку непријатели имаме, сѐ изнаблокирав овие два дена. Чистка! - напиша Петрески.
Иако објавата предизвика бурни реакции и коментари од фановите, само неколку дена подоцна пејачот ја избриша.
Овој потег на многумина им остави впечаток дека Наум се покајал за своите зборови и можеби посакал да го избегне натамошното внимание.
Петрески важи за еден од најмирољубивите уметници на македонската сцена. Познат е по својата скромност, добрина и хармоничниот живот со сопругата Зуица Лазова. Двојката има две деца, кои ги следат музичките чекори на своите родители.
Иако причините за неговата објава остануваат непознати, фановите изразија поддршка и надеж дека ќе се врати со својот препознатлив оптимизам и позитивна енергија.
